വിശുദ്ധി, നിർമല ഹൃദയം
- ഹൃദയശുദ്ധിയുള്ളവര് ഭാഗ്യവാന്മാര്; അവര് ദൈവത്തെ കാണും. (മത്തായി 5:8)
- സഹോദരരേ, സത്യവും വന്ദ്യവും നീതിയുക്തവും പരിശുദ്ധവും സ്നേഹാര്ഹവും സ്തുത്യര്ഹവും ഉത്തമവും പ്രശംസായോഗ്യവുമായ എല്ലാ കാര്യങ്ങളെയുംകുറിച്ചു ചിന്തിക്കുവിന്. (ഫിലിപ്പി 4:8)
- ഒരുവന് നികൃഷ്ഠമായ അവസ്ഥയില് നിന്നു തന്നെത്തന്നെ ശുദ്ധികരിക്കുന്നെങ്കിന് അവന് ശ്രേഷ്ടമായ ഉപയോഗത്തിനുപറ്റിയതും ഗൃഹനായകനു പ്രയോജനകരവും ഏതൊരു നല്ലകാര്യത്തിനും ഉപയോഗ്യയോഗ്യവുമായ വിശുദ്ധപാത്രമാകും. (2 തിമോത്തേയോസ് 2:21)
- ദൈവമേ, നിര്മലമായ ഹൃദയം എന്നില് സൃഷ്ടിക്കണമേ! അചഞ്ചലമായ ഒരു നവചൈതന്യം എന്നില് നിക്ഷേപിക്കണമേ! (സങ്കീര്ത്തനങ്ങള് 51:10)
- യുവാവു തന്റെ മാര്ഗം എങ്ങനെ നിര്മലമായി സൂക്ഷിക്കും? അങ്ങയുടെ വചനമനുസരിച്ചു വ്യാപരിച്ചുകൊണ്ട്. (സങ്കീര്ത്തനങ്ങള് 119:9)
- എല്ലാകാര്യങ്ങളും മുറുമുറുപ്പും തര്ക്കവും കൂടാതെ ചെയ്യുവിന്. അങ്ങനെ, നിങ്ങള് നിര്ദോഷരും നിഷ്കളങ്കരുമായിത്തീര്ന്ന്, വഴിപിഴച്ചതും വക്രതയുള്ളതുമായ തലമുറയുടെയിടയില് കുറ്റമറ്റ ദൈവമക്കളാവട്ടെ; അവരുടെ മധ്യേ ലോകത്തില് നിങ്ങള് വെളിച്ചമായി പ്രകാശിക്കുകയും ചെയ്യട്ടെ. (ഫിലിപ്പി 2:14-15)
- കര്ത്താവിന്റെ മലയില് ആരു കയറും? അവിടുത്തെ വിശുദ്ധസ്ഥലത്ത് ആരു നില്ക്കും? കളങ്കമറ്റ കൈകളും നിര്മലമായ ഹൃദയവും ഉള്ളവന്, മിഥ്യയുടെമേല് മനസ്സു പതിക്കാത്തവനും കള്ളസത്യം ചെയ്യാത്തവനും തന്നെ. (സങ്കീര്ത്തനങ്ങള് 24:3-4)
- നിങ്ങളുടെ വിശുദ്ധീകരണമാണ് ദൈവം അഭിലഷിക്കുന്നത്. അസാന്മാര്ഗികതയില് നിന്നു നിങ്ങള് ഒഴിഞ്ഞുമാറണം; നിങ്ങളോരോരുത്തരം സ്വന്തം ശരീരത്തെ വിശുദ്ധിയിലും മാന്യതയിലും കാത്തു സൂക്ഷിക്കേണ്ടതെങ്ങനെയെന്ന് അറിയണം; ദൈവത്തെ അറിയാത്ത വിജാതീയരെപ്പോലെ കാമവികാരങ്ങള്ക്കു നിങ്ങള് വിധേയരാകരുത്. (1 തെസലോനിക്കാ 4:3-5)
- വ്യഭിചാരത്തില്നിന്ന് ഓടിയകലുവിന്. മനുഷ്യന് ചെയ്യുന്ന മറ്റു പാപങ്ങളെല്ലാം ശരീരത്തിനു വെളിയിലാണ്. വ്യഭിചാരം ചെയ്യുന്നവനാകട്ടെ സ്വന്തം ശരീരത്തിനെതിരായി പാപം ചെയ്യുന്നു. (1 കൊറിന്തോസ് 6:18)
ശുദ്ധീകരണത്തിലൂടെ ശക്തീകരണം
Based on the talk Abhishekagni-988; starting at 9:30 minutes
നിങ്ങളെ വിളിച്ചവന് പരിശുദ്ധനായിരിക്കുന്നതുപോലെ എല്ലാ പ്രവൃത്തികളിലും നിങ്ങളും പരിശുദ്ധരായിരിക്കുവിന്. (1 പത്രോസ് 1:15)
നിങ്ങളെത്തന്നെ ശുദ്ധീകരിച്ച് വിശുദ്ധരാകുവിന്. (ലേവ്യര് 20:7)
ജ്ഞാനതൃഷ്ണ എന്നില് ജ്വലിച്ചു; … ഞാന് എന്റെ ഹൃദയം അവളിലേക്കു തിരിച്ചു. ശുദ്ധീകരണത്തിലൂടെ ഞാന് അവളെ കണ്ടെത്തി. (പ്രഭാഷകന് 51:20)
നിനക്ക് ഈ കാര്യത്തില് ഭാഗഭാഗിത്വമോ അവകാശമോ ഉണ്ടായിരിക്കുകയില്ല. കാരണം, നിന്റെ ഹൃദയം ദൈവസന്നിധിയില് ശുദ്ധമല്ല. (അപ്പ. പ്രവര്ത്തനങ്ങള് 8:21)
ജോഷ്വ ജനത്തോടു പറഞ്ഞു: നിങ്ങളെത്തന്നെ ശുദ്ധീകരിക്കുവിന്. നാളെ നിങ്ങളുടെ ഇടയില് കര്ത്താവ് അദ്ഭുതങ്ങള് പ്രവര്ത്തിക്കും. (ജോഷ്വാ 3:5)
കര്ത്താവിന്റെ നാമം ജനതകള് വിളിച്ചപേക്ഷിക്കാനും, ഏക മനസ്സോടെ അവിടുത്തേക്ക് ശുശ്രൂഷ ചെയ്യാനും വേണ്ടി അന്ന് ഞാന് അവരുടെ അധരങ്ങളെ ശുദ്ധീകരിക്കും. (സെഫാനിയ 3:9)
സത്കാരദിനങ്ങള് കഴിയുമ്പോള് പുത്രന്മാര് പാപം ചെയ്ത് ദൈവത്തിന്റെ അപ്രീതിക്കു പാത്രമായിട്ടുണ്ടാവാം എന്നു വിചാരിച്ച് ജോബ് അവരെ വിളിച്ചുവരുത്തി ശുദ്ധീകരിക്കുകയും അതിരാവിലെ എഴുന്നേറ്റ് ഓരോ പുത്രനും വേണ്ടി ദഹനബലി അര്പ്പിക്കുകയും ചെയ്യുമായിരുന്നു. (ജോബ് 1:5)
യേശുക്രിസ്തു എല്ലാ തിന്മകളിലുംനിന്നു നമ്മെ മോചിപ്പിക്കുന്നതിനും, സത്പ്രവൃത്തികള് ചെയ്യുന്നതില് തീക്ഷണതയുള്ള ഒരു ജനതയെ തനിക്കുവേണ്ടി ശുദ്ധീകരിക്കുന്നതിനുമായി നമ്മെപ്രതി തന്നെത്തന്നെ ബലിയര്പ്പിച്ചു. (തീത്തോസ് 2:14)
നാം പാപങ്ങള് ഏറ്റുപറയുന്നെങ്കില്, അവന് വിശ്വസ്തനും നീതിമാനുമാകയാല്, പാപങ്ങള് ക്ഷമിക്കുകയും എല്ലാ അനീതികളിലും നിന്നു നമ്മെ ശുദ്ധീകരിക്കുകയും ചെയ്യും. (1 യോഹന്നാന് 1:9)
ഞാന് നിങ്ങളോടു പറഞ്ഞ വചനം നിമിത്തം നിങ്ങള് ശുദ്ധിയുള്ളവരായിരിക്കുന്നു. (യോഹന്നാന് 15:3)
അവന് സഭയെ വിശുദ്ധീകരിക്കുന്നതിന്, ജലംകൊണ്ടു കഴുകി വചനത്താല് വെണ്മയുള്ളതാക്കി. (എഫേസോസ് 5:26)
ഞാന് നിങ്ങളുടെമേല് ശുദ്ധജലം തളിക്കും. നിങ്ങളുടെ എല്ലാ മാലിന്യങ്ങളില്നിന്നും നിങ്ങള് ശുദ്ധീകരിക്കപ്പെടും. സകലവിഗ്രഹങ്ങളില് നിന്നും നിങ്ങളെ ഞാന് നിര്മലരാക്കും. (എസെക്കിയേല് 36:25)
അവിടുത്തെ പുത്രനായ യേശുവിന്റെ രക്തം എല്ലാ പാപങ്ങളിലും നിന്നു നമ്മെ ശുദ്ധീകരിക്കുന്നു. (1 യോഹന്നാന് 1:7)
നിങ്ങള്ക്കുള്ളവ ദാനം ചെയ്യുവിന്. അപ്പോള് നിങ്ങള്ക്ക് എല്ലാം ശുദ്ധമായിരിക്കും. (ലൂക്കാ 11:41)
ഞാന് നിന്നെ ശുദ്ധീകരിച്ചു, എന്നാല്, വെള്ളിപോലെയല്ല. കഷ്ടതയുടെ ചൂളയില് നിന്നെ ഞാന് ശോധനചെയ്തു. (ഏശയ്യാ 48:10)
Word for Meditations 