പൂര്ണഹൃദയത്തോടെ ഞാന് കര്ത്താവിനു നന്ദിപറയും; അവിടുത്തെ അദ്ഭുത പ്രവൃത്തികള് ഞാന് വിവരിക്കും. (സങ്കീര്ത്തനങ്ങള് 9:1) | I will give thanks to the Lord with my whole heart; I will tell of all your wonderful deeds. (Psalm 9:1)
Express your gratitude: Thank God for the recent blessings and appreciate what you have. A grateful heart makes us happier, stronger and closer.
- കര്ത്താവിനു കൃതജ്ഞത അര്പ്പിക്കുവിന്; അവിടുന്നു നല്ലവനാണ്; അവിടുത്തെ കാരുണ്യം എന്നേക്കും നിലനില്ക്കുന്നു. (സങ്കീര്ത്തനങ്ങള് 118:29)
- വരുവിന്, നമുക്കു കര്ത്താവിനു സ്തോത്രമാലപിക്കാം; നമ്മുടെ ശിലയെ സന്തോഷപൂര്വം പാടിപ്പുകഴ്ത്താം. കൃതജ്ഞതാ സ്തോത്രത്തോടെ അവിടുത്തെ സന്നിധിയില് ചെല്ലാം. ആനന്ദത്തോടെ സ്തുതിഗീതങ്ങള് ആലപിക്കാം. എന്നാല്, കര്ത്താവ് ഉന്നതനായ ദൈവമാണ്; എല്ലാ ദേവന്മാര്ക്കും അധിപനായ രാജാവാണ്. (സങ്കീര്ത്തനങ്ങള് 95:1-3)
- കൃതജ്ഞതാ ഗീതത്തോടെ അവിടുത്തെ കവാടങ്ങള് കടക്കുവിന്; സ്തുതികള് ആലപിച്ചുകൊണ്ട് അവിടുത്തെ അങ്കണത്തില് പ്രവേശിക്കുവിന്. അവിടുത്തേക്കു നന്ദിപറയുവിന്; അവിടുത്തെ നാമം വാഴ്ത്തുവിന്. കര്ത്താവു നല്ലവനാണ്, അവിടുത്തെ കാരുണ്യം ശാശ്വതമാണ്; അവിടുത്തെ വിശ്വസ്തത തലമുറകളോളം നിലനില്ക്കും. (സങ്കീര്ത്തനങ്ങള് 100:4-5)
- കര്ത്താവിന്റെ നീതിക്കൊത്തു ഞാന് അവിടുത്തേക്കു നന്ദി പറയും; അത്യുന്നതനായ കര്ത്താവിന്റെ നാമത്തിനു ഞാന് സ്തോത്രമാലപിക്കും. (സങ്കീര്ത്തനങ്ങള് 7:17)
- എപ്പോഴും സന്തോഷത്തോടെയിരിക്കുവിന്. ഇടവിടാതെ പ്രാര്ഥിക്കുവിന്. എല്ലാക്കാര്യങ്ങളിലും നന്ദി പ്രകാശിപ്പിക്കുവിന്. (1 തെസലോനിക്കാ 5:16-18)
- അവനിലൂടെ നമുക്ക് എല്ലായ്പോഴും ദൈവത്തിനു സ്തുതിയുടെ ബലി – അവന്റെ നാമത്തെ ഏറ്റുപറയുന്ന അധരങ്ങളുടെ ഫലങ്ങള്-അര്പ്പിക്കാം. നന്മചെയ്യുന്നതിലും നിങ്ങള്ക്കുള്ളവ പങ്കുവയ്ക്കുന്നതിലും ഉപേക്ഷ വരുത്തരുത്. അത്തരം ബലികള് ദൈവത്തിനു പ്രീതികരമാണ്. (ഹെബ്രായര് 13:15-16)
- അവനില് വേരുറപ്പിക്കപ്പെട്ടും പണിതുയര്ത്തപ്പെട്ടും നിങ്ങള് സ്വീകരിച്ച വിശ്വാസത്തില് ദൃഢത പ്രാപിച്ചും കൊണ്ട് അനര്ഗളമായ കൃതജ്ഞതാ പ്രകാശനത്തില് മുഴുകുവിന്. (കൊളോസോസ് 2:7)
- ക്രിസ്തുവിന്റെ സമാധാനം നിങ്ങളുടെ ഹൃദയങ്ങളെ ഭരിക്കട്ടെ! ഈ സമാധാനത്തിലേക്കാണ് നിങ്ങള് ഏകശരീരമായി വിളിക്കപ്പെട്ടത്. അതിനാല്, നിങ്ങള് കൃതജ്ഞതാ നിര്ഭരരായിരിക്കുവിന്.(കൊളോസോസ് 3:15)
- കൃതജ്ഞതാഭരിതരായി ഉണര്ന്നിരുന്ന് നിരന്തരം പ്രാര്ഥിക്കുവിന്.(കൊളോസോസ് 4:2)
- ഒന്നിനെക്കുറിച്ചും ആകുലരാകേണ്ടാ. പ്രാര്ഥനയിലൂടെയും അപേക്ഷയിലൂടെയും കൃതജ്ഞതാ സ്തോത്രങ്ങളോടെ നിങ്ങളുടെ യാചന കള് ദൈവസന്നിധിയില് അര്പ്പിക്കുവിന്. (ഫിലിപ്പി 4:6)
Word for Meditations 