Let go of the past, but learn from it. Live in the present without worry or fear. Let God guide your future.
- ക്രിസ്തുവില് ആയിരിക്കുന്നവന് പുതിയ സൃഷ്ടിയാണ്. പഴയതു കടന്നുപോയി. ഇതാ, പുതിയതു വന്നുകഴിഞ്ഞു. (2 കൊറിന്തോസ് 5:17)
- എന്റെ പിന്നിലുള്ളവയെ വിസ്മരിച്ചിട്ട്, മുമ്പിലുള്ളവയെ ലക്ഷ്യമാക്കി ഞാന് മുന്നേറുന്നു. യേശുക്രിസ്തുവിലൂടെ ഉന്നതത്തിലേക്കുള്ള ദൈവത്തിന്റെ വിളിയാകുന്ന സമ്മാനത്തിനു വേണ്ടി ഞാന് ലക്ഷ്യത്തിലേക്കു പ്രയാണം ചെയ്യുന്നു. (ഫിലിപ്പി 3:13-14)
- ഞാന് ക്രിസ്തുവിനോടുകൂടെ ക്രൂശിതനായിരിക്കുന്നു. ഇനിമേല് ഞാനല്ല ജീവിക്കുന്നത്, ക്രിസ്തുവാണ് എന്നില് ജീവിക്കുന്നത്. എന്റെ ഇപ്പോഴത്തെ ഐഹികജീവിതം, എന്നെ സ്നേഹിക്കുകയും എനിക്കുവേണ്ടി തന്നെത്തന്നെ ബലിയര്പ്പിക്കുകയും ചെയ്ത ദൈവപുത്രനില് വിശ്വസിച്ചു കൊണ്ടുള്ള ജീവിതമാണ്. (ഗലാത്തിയാ 2:20)
- എന്നാല്, നേടിയെടുത്തതിനെ മുറുകെപ്പിടിച്ചു കൊണ്ടു തന്നെയാവണം നമ്മുടെ പ്രവര്ത്തനം. (ഫിലിപ്പി 3:16)
- നിങ്ങള് ആദ്യം അവിടുത്തെ രാജ്യവും അവിടുത്തെ നീതിയും അന്വേഷിക്കുക. അതോടൊപ്പം മറ്റുള്ളവയെല്ലാം നിങ്ങള്ക്കു ലഭിക്കും. അതിനാല്, നാളെയെക്കുറിച്ചു നിങ്ങള് ആകുലരാകരുത്. നാളത്തെ ദിനം തന്നെ അതിനെക്കുറിച്ച് ആകുലപ്പെട്ടു കൊള്ളും. ഓരോ ദിവസത്തിനും അതതിന്റെ ക്ളേശം മതി. (മത്തായി 6:33-34)
- ഒന്നിനെക്കുറിച്ചും ആകുലരാകേണ്ടാ. പ്രാര്ഥനയിലൂടെയും അപേക്ഷയിലൂടെയും കൃതജ്ഞതാസ്തോത്രങ്ങളോടെ നിങ്ങളുടെ യാചന കള് ദൈവസന്നിധിയില് അര്പ്പിക്കുവിന്. (ഫിലിപ്പി 4:6)
- ഭയപ്പെടേണ്ടാ, ഞാന് നിന്നോടുകൂടെയുണ്ട്. സംഭ്രമിക്കേണ്ടാ, ഞാനാണ് നിന്റെ ദൈവം. ഞാന് നിന്നെ ശക്തിപ്പെടുത്തുകയും സഹായിക്കുകയും ചെയ്യും. എന്റെ വിജയകരമായ വലത്തു കൈകൊണ്ടു ഞാന് നിന്നെ താങ്ങിനിര്ത്തും.(ഏശയ്യാ 41:10)
- നിന്റെ എല്ലാ പ്രവൃത്തികളും ദൈവവിചാരത്തോടെയാകട്ടെ; അവിടുന്ന് നിനക്ക് വഴി തെളിച്ചു തരും. (സുഭാഷിതങ്ങള് 3:6)
- എന്നാല്, ഞാന് ഒരു കാര്യം ഓര്മിക്കുന്നു, അത് എനിക്കു പ്രത്യാശ തരുന്നു. കര്ത്താവിന്റെ സ്നേഹം ഒരിക്കലും അസ്തമിക്കുന്നില്ല; അവിടുത്തെ കാരുണ്യം അവസാനിക്കുന്നില്ല. ഓരോ പ്രഭാതത്തിലും അതു പുതിയതാണ്. അവിടുത്തെ വിശ്വസ്തത ഉന്നതമാണ്. (വിലാപങ്ങള് 3:21-23)
- അവിടുന്നു തന്റെ കാരുണ്യാതിരേകത്താല് യേശുക്രിസ്തുവിന്റെ, മരിച്ചവരില് നിന്നുള്ള ഉത്ഥാനം വഴി സജീവമായ പ്രത്യാശയിലേക്കും നിങ്ങള്ക്കായി സ്വര്ഗത്തില് കാത്തുസൂക്ഷിക്കപ്പെടുന്ന അക്ഷയവും കളങ്കരഹിതവും ഒളിമങ്ങാത്തതുമായ അവകാശത്തിലേക്കും നമ്മെ വീണ്ടും ജനിപ്പിച്ചിരിക്കുന്നു. (1 പത്രോസ് 1:3)
- ഞാന് നിങ്ങളുടെമേല് ശുദ്ധജലം തളിക്കും. നിങ്ങളുടെ എല്ലാ മാലിന്യങ്ങളില്നിന്നും നിങ്ങള് ശുദ്ധീകരിക്കപ്പെടും. .. ഒരു പുതിയ ഹൃദയം നിങ്ങള്ക്കു ഞാന് നല്കും; ഒരു പുതുചൈതന്യം നിങ്ങളില് ഞാന് നിക്ഷേപിക്കും; നിങ്ങളുടെ ശരീരത്തില്നിന്ന് ശിലാഹൃദയം എടുത്തുമാറ്റി മാംസള ഹൃദയം നല്കും. എന്റെ ആത്മാവിനെ ഞാന് നിങ്ങളില് നിവേ ശിപ്പിക്കും. നിങ്ങളെ എന്റെ കല്പനകള് കാക്കുന്നവരും നിയമങ്ങള് പാലിക്കുന്നതില് ശ്രദ്ധയുള്ളവരുമാക്കും. (എസെക്കിയേല് 36:25-27)
- നിങ്ങളെക്കുറിച്ചുള്ള പദ്ധതി എന്റെ മനസ്സിലുണ്ട്. നിങ്ങളുടെ നാശത്തിനല്ല, ക്ഷേമത്തിനുള്ള പദ്ധതിയാണത് – നിങ്ങള്ക്കു ശുഭമായ ഭാവിയും പ്രത്യാശയും നല്കുന്ന പദ്ധതി. (ജെറെമിയ 29:11)
- ശക്തനും ധീരനുമായിരിക്കണമെന്നും ഭയപ്പെടുകയോ പരിഭ്രമിക്കുകയോ ചെയ്യരുതെന്നും നിന്നോടു ഞാന് കല്പിച്ചിട്ടില്ലയോ? നിന്റെ ദൈവമായ കര്ത്താവ് നീ പോകുന്നിടത്തെല്ലാം നിന്നോടുകൂടെ ഉണ്ടായിരിക്കും. (ജോഷ്വാ 1:9)
- ദൈവത്തില് ആശ്രയിക്കുന്നവര് വീണ്ടും ശക്തി പ്രാപിക്കും; അവര് കഴുകന്മാരെപ്പോലെ ചിറകടിച്ചുയരും. അവര് ഓടിയാലും ക്ഷീണിക്കുകയില്ല; നടന്നാല് തളരുകയുമില്ല. (ഏശയ്യാ 40:31)
Wishing you love, joy, peace, hope, abundance and success
- എന്റെ സമാധാനം നിങ്ങള്ക്കു ഞാന് നല്കുന്നു. (യോഹന്നാന് 14:27)
- പ്രത്യാശയുടെ ദൈവം നിങ്ങളുടെ വിശ്വാസത്താല് സകല സന്തോഷവും സമാധാനവും കൊണ്ടു നിങ്ങളെ നിറയ്ക്കട്ടെ! അങ്ങനെ, പരിശുദ്ധാത്മാവിന്റെ ശക്തിയാല് നിങ്ങള് പ്രത്യാശയില് സമൃദ്ധി പ്രാപിക്കുകയും ചെയ്യട്ടെ! (റോമാ 15:13)
- പ്രിയപ്പെട്ടവരേ, നമുക്കു പരസ്പരം സ്നേഹിക്കാം. .. നാം പരസ്പരം സ്നേഹിച്ചാല് ദൈവം നമ്മില് വസിക്കും. (1 യോഹന്നാന് 4:7,12)
- നിന്റെ ഉദ്യമങ്ങളിലെല്ലാം നീ വിജയം വരിക്കും. (ജോഷ്വാ 1:7)
കൂടുതൽ പ്രത്യാശയുടെ വചനങ്ങൾ / Verses of Hope
ഐശ്വര്യപൂര്ണമായ ഭാവി (ഏശയ്യാ 35:1-10) | video: Talk by Br. Sabu Aruthotty
Word for Meditations 