നമ്മെ സ്നേഹിക്കുന്ന ദൈവം
- അവനില് വിശ്വസിക്കുന്ന ഏവനും നശിച്ചു പോകാതെ നിത്യജീവന് പ്രാപിക്കുന്നതിനു വേണ്ടി, തന്റെ ഏകജാതനെ നല്കാന് തക്കവിധം ദൈവം ലോകത്തെ അത്രമാത്രം സ്നേഹിച്ചു. (യോഹന്നാന് 3:16)
- എന്നാല്, നാം പാപികളായിരിക്കേ, ക്രിസ്തു നമുക്കു വേണ്ടി മരിച്ചു. അങ്ങനെ നമ്മോടുള്ള തന്റെ സ്നേഹം ദൈവം പ്രകടമാക്കിയിരിക്കുന്നു. (റോമാ 5:8)
- കണ്ടാലും! എത്ര വലിയ സ്നേഹമാണു പിതാവു നമ്മോടു കാണിച്ചത്. ദൈവമക്കളെന്നു നാം വിളിക്കപ്പെടുന്നു; നാം അങ്ങനെയാണു താനും.(1 യോഹന്നാന് 3:1)
- ഞാന് നല്ല ഇടയനാണ്. നല്ല ഇടയന് ആടുകള്ക്കുവേണ്ടി ജീവന് അര്പ്പിക്കുന്നു. (യോഹന്നാന് 10:11)
- എനിക്കു നിന്നോടുള്ള സ്നേഹം അനന്തമാണ്; നിന്നോടുള്ള വിശ്വസ്തത അചഞ്ചലവും. (ജെറെമിയ 31:3)
More
- കര്ത്താവ് എത്ര നല്ലവനെന്നു രുചിച്ചറിയുവിന്; അവിടുത്തെ ആശ്രയിക്കുന്നവന് ഭാഗ്യവാന്. (സങ്കീര്ത്തനങ്ങള് 34:8)
- നീ എനിക്കു വിലപ്പെട്ടവനും ബഹുമാന്യനും പ്രിയങ്കരനും ആണ്. (ഏശയ്യാ 43 : 4)
- കര്ത്താവില് ആശ്രയിക്കുന്നവനെ അവിടുത്തെ സ്നേഹം വലയം ചെയ്യും.(സങ്കീര്ത്തനങ്ങള് 32:10)
- ഞാന് നിങ്ങള്ക്കു പിതാവും നിങ്ങള് എനിക്കു പുത്രന്മാരും പുത്രികളും ആയിരിക്കും എന്നു സര്വശക്തനായ കര്ത്താവ് അരുളിച്ചെയ്യുന്നു. (2 കൊറിന്തോസ് 6:18)
- മാതാവിന്റെ ഉദരത്തില് നിനക്കു രൂപം നല്കുന്നതിനു മുന്പേ ഞാന് നിന്നെ അറിഞ്ഞു; ജനിക്കുന്നതിനു മുന്പേ ഞാന് നിന്നെ വിശുദ്ധീകരിച്ചു. (ജെറെമിയ 1:5)
- അവിടുന്നാണ് എന്റെ അന്തരംഗത്തിനു രൂപം നല്കിയത്; എന്റെ അമ്മയുടെ ഉദരത്തില് അവിടുന്ന് എന്നെ മെനഞ്ഞു. (സങ്കീര്ത്തനങ്ങള് 139:13)
- മലകള് അകന്നു പോയേക്കാം; കുന്നുകള് മാറ്റപ്പെട്ടേക്കാം. എന്നാല്, എന്റെ അചഞ്ചലമായ സ്നേഹം നിന്നെ പിരിയുകയില്ല. (ഏശയ്യാ 54:10)
- എന്നെ സ്നേഹിക്കുന്നവരെ ഞാനും സ്നേഹിക്കുന്നു; ജാഗരൂകതയോടെ അന്വേഷിക്കുന്നവര് എന്നെ കണ്ടെത്തുന്നു. (സുഭാഷിതങ്ങള് 8:17)
- നമ്മുടെ അതിക്രമങ്ങള്ക്കു വേണ്ടി അവന് മുറിവേല്പ്പിക്കപ്പെട്ടു. നമ്മുടെ അകൃത്യങ്ങള്ക്കു വേണ്ടി ക്ഷതമേല്പ്പിക്കപ്പെട്ടു. അവന്റെ മേലുള്ള ശിക്ഷ നമുക്കു രക്ഷ നല്കി; അവന്റെ ക്ഷതങ്ങളാല് നാം സൗഖ്യം പ്രാപിച്ചു. (ഏശയ്യാ 53:5)
- മുലകുടിക്കുന്ന കുഞ്ഞിനെ അമ്മയ്ക്കു മറക്കാനാവുമോ? പുത്രനോടു പെറ്റമ്മ കരുണ കാണിക്കാതിരിക്കുമോ? അവള് മറന്നാലും ഞാന് നിന്നെ മറക്കുകയില്ല. ഇതാ, നിന്നെ ഞാന് എന്റെ ഉള്ളംകൈയില് രേഖപ്പെടുത്തിയിരിക്കുന്നു. (ഏശയ്യാ 49:16) | Can a mother forget the baby at her breast and have no compassion on the child she has borne? Though she may forget, I will not forget you! See, I have engraved you on the palms of my hands. (Isaiah 49:16)
Word for Meditations 