Faith (വിശ്വാസം)
- വിശ്വാസം എന്നതു പ്രത്യാശിക്കുന്നവ ലഭിക്കുമെന്ന ഉറപ്പും കാണപ്പെടാത്തവ ഉണ്ട് എന്ന ബോധ്യവുമാണ്. (ഹെബ്രായര് 11:1)
- വിശ്വസിക്കുന്നില്ലെങ്കില് നിനക്കു സുസ്ഥിതി ലഭിക്കുകയില്ല. (ഏശയ്യാ 7:9)
- വിശ്വാസമില്ലാതെ ദൈവത്തെ പ്രസാദിപ്പിക്കുക സാധ്യമല്ല. ദൈവസന്നിധിയില് ശരണം പ്രാപിക്കുന്നവര് ദൈവം ഉണ്ടെന്നും തന്നെ അന്വേഷിക്കുന്നവര്ക്ക് അവിടുന്നു പ്രതിഫലം നല്കുമെന്നും വിശ്വസിക്കണം. (ഹെബ്രായര് 11:6)
- അവനിലുള്ള വിശ്വാസംമൂലം ആത്മധൈര്യവും ദൈവത്തെ സമീപിക്കാന് സാധിക്കുമെന്ന പ്രത്യാശയും നമുക്കുണ്ട്. (എഫേസോസ് 3:12)
- ആകയാല് വിശ്വാസം കേള്വിയില് നിന്നും കേള്വി ക്രിസ്തുവിനെ പ്പറ്റിയുള്ള പ്രസംഗത്തില്നിന്നുമാണ്. (റോമാ 10:17)
വിശ്വാസത്തോടെ പ്രാര്ത്ഥിക്കുക
- വിശ്വാസത്തോടെ പ്രാര്ഥിക്കുന്നതെല്ലാം നിങ്ങള്ക്കു ലഭിക്കും. (മത്തായി 21:22)
- പ്രാര്ഥിക്കുകയുംയാചിക്കുകയും ചെയ്യുന്ന എന്തും ലഭിക്കുമെന്നു വിശ്വസിക്കുവിന്; നിങ്ങള്ക്കു ലഭിക്കുകതന്നെ ചെയ്യും. (മര്ക്കോസ് 11:24)
- സംശയമനസ്കനും എല്ലാകാര്യങ്ങളിലും ചഞ്ചലപ്രകൃതിയുമായ ഒരുവന് എന്തെങ്കിലും കര്ത്താവില്നിന്നു ലഭിക്കുമെന്നു കരുതരുത്. (യാക്കോബ് 1:6-7)
- നിങ്ങളുടെ വിശ്വാസംപോലെ നിങ്ങള്ക്കു ഭവിക്കട്ടെ. (മത്തായി 9:29)
- നിങ്ങള്ക്കു കടുകുമണിയോളം വിശ്വാസമുണ്ടെങ്കില് ഈ മലയോട്, ഇവിടെ നിന്നു മാറി മറ്റൊരു സ്ഥലത്തേക്കു പോവുക, എന്നു പറഞ്ഞാല് അതു മാറിപ്പോകും. (മത്തായി 17:20)
- നിങ്ങള് വിശ്വസിക്കുകയും സംശയിക്കാതിരിക്കുകയും ചെയ്താല് അത്തിവൃക്ഷത്തോടു ഞാന് ചെയ്തതു മാത്രമല്ല നിങ്ങള്ക്കു ചെയ്യാന് കഴിയുക; ഈ മലയോട് ഇവിടെനിന്നു മാറി കടലില് ചെന്നു വീഴുക എന്നു നിങ്ങള് പറഞ്ഞാല് അതും സംഭവിക്കും.വിശ്വാസത്തോടെ പ്രാര്ഥിക്കുന്നതെല്ലാം നിങ്ങള്ക്കു ലഭിക്കും. (മത്തായി 21:21-22)
- വിശ്വാസത്തോടെയുള്ള പ്രാര്ഥന രോഗിയെ സുഖപ്പെടുത്തും; കര്ത്താവ് അവനെ എഴുന്നേല്പിക്കും; അവന് പാപങ്ങള്ചെയ്തിട്ടുണ്ടെങ്കില് അവിടുന്ന് അവനു മാപ്പു നല്കും. (യാക്കോബ് 5:15)
- വിശ്വസിച്ചാല് നീ ദൈവമഹത്വം ദര്ശിക്കുമെന്നു ഞാന് നിന്നോടു പറഞ്ഞില്ലേ? (യോഹന്നാന് 11:40)
വിശ്വാസത്തിൽ ജീവിക്കുക, വിശ്വാസത്തിൽ മുന്നോട്ടു പോവുക
- കര്ത്താവില് പൂര്ണഹൃദയത്തോടെവിശ്വാസമര്പ്പിക്കുക; സ്വന്തം ബുദ്ധിയെ ആശ്രയിക്കുകയുമരുത്. നിന്റെ എല്ലാ പ്രവൃത്തികളും ദൈവ വിചാരത്തോടെയാകട്ടെ; അവിടുന്ന് നിനക്ക് വഴി തെളിച്ചുതരും. (സുഭാഷിതങ്ങള് 3:5,6)
- പ്രവൃത്തികള്കൂടാതെയുള്ള വിശ്വാസം അതില്തന്നെ നിര്ജീവമാണ്. (യാക്കോബ് 2:17) … മൂഢനായ മനുഷ്യാ, പ്രവൃത്തികള്കൂടാതെയുള്ള വിശ്വാസം ഫലരഹിതമാണെന്നു നിനക്കു തെളിയിച്ചുതരേണ്ടതുണ്ടോ? (യാക്കോബ് 2:20) | വിശ്വാസവും പ്രവൃത്തിയും
- വിശ്വാസംമൂലം അബ്രാഹം തനിക്ക് അവകാശമായി ലഭിക്കാനുള്ള സ്ഥലത്തേക്കു പോകാന് വിളിക്കപ്പെട്ടപ്പോള് അനുസരിച്ചു. എവിടേക്കാണു പോകേണ്ടതെന്നറിയാതെ തന്നെയാണ് അവന് പുറപ്പെട്ടത്.(ഹെബ്രായര് 11:8) | പൂര്വികരുടെ വിശ്വാസം
- വിശ്വാസം മൂലമാണ്, പരീക്ഷിക്കപ്പെട്ടപ്പോള് അബ്രാഹം ഇസഹാക്കിനെ സമര്പ്പിച്ചത്. (ഹെബ്രായര് 11:17)
- വിശ്വാസത്താല് അവര് വരണ്ട ഭൂമിയിലൂടെ എന്നവിധം ചെങ്കടല് കടന്നു. (ഹെബ്രായര് 11:29)
വിശ്വാസത്തിൽ വളരുക
അവനില് വേരുറപ്പിക്കപ്പെട്ടും പണിതുയര്ത്തപ്പെട്ടും നിങ്ങള് സ്വീകരിച്ച വിശ്വാസത്തില് ദൃഢത പ്രാപിച്ചും കൊണ്ട് അനര്ഗളമായ കൃതജ്ഞതാപ്രകാശനത്തില് മുഴുകുവിന്. (കൊളോസോസ് 2:7) | “Let your roots grow down into him, and let your lives be built on him. Then your faith will grow strong in the truth you were taught, and you will overflow with thankfulness” (NLT).
അല്പം വിതയ്ക്കുന്നവന് അല്പംമാത്രം കൊയ്യും; ധാരാളം വിതയ്ക്കുന്നവന് ധാരാളം കൊയ്യും. (2 കൊറിന്തോസ് 9:6)
പ്രിയപ്പെട്ടവരേ, നിങ്ങള് പരിശുദ്ധാത്മാവില് പ്രാര്ഥിച്ചു കൊണ്ട്, നിങ്ങളുടെ പവിത്രമായ വിശ്വാസത്തില് അഭിവൃദ്ധി പ്രാപിക്കുവിന്. (യുദാസ് 1:20) | Build yourselves up in your most holy faith; pray in the Holy Spirit. (Jude 1:20)
Faith drives out all the fears of modern times. You can grow in faith by hearing the Word of God, believing it, acting on it and sharing it.
വിശ്വാസത്തില് ഉറച്ചു നില്ക്കുക
- അല്പകാലത്തേക്കു വിവിധ പരീക്ഷകള് നിമിത്തം നിങ്ങള്ക്കു വ്യസനിക്കേണ്ടിവന്നാലും അതില് ആനന്ദിക്കുവിന്. കാരണം, അഗ്നിശോധനയെ അതിജീവിക്കുന്ന നശ്വരമായ സ്വര്ണത്തേക്കാള് വിലയേറിയതായിരിക്കും പരീക്ഷകളെ അതിജീവിക്കുന്ന നിങ്ങളുടെ വിശ്വാസം. അത് യേശുക്രിസ്തുവിന്റെ പ്രത്യാഗമനത്തില് സ്തുതിക്കും മഹത്വത്തിനും ബഹുമാനത്തിനും ഹേതുവായിരിക്കും. .. അങ്ങനെ വിശ്വാസത്തിന്റെ ഫലമായി ആത്മാവിന്റെ രക്ഷ നിങ്ങള് പ്രാപിക്കുകയും ചെയ്യുന്നു. (1 പത്രോസ് 1:6-9)
- ഞാന് നന്നായി പൊരുതി; എന്റെ ഓട്ടം പൂര്ത്തയാക്കി; വിശ്വാസം കാത്തു. എനിക്കായി നീതിയുടെ കീരിടം ഒരുക്കിയിരിക്കുന്നു. നീതിപൂര്വ്വം വിധിക്കുന്ന കര്ത്താവ്, ആദിവസം അത് എനിക്കു സമ്മാനിക്കും; എനിക്കുമാത്രമല്ല, അവന്റെ ആഗമനത്തെ സ്നേഹപൂര്വ്വം ഉറ്റുനോക്കിക്കൊണ്ടിരിക്കുന്ന എല്ലാവര്ക്കും. (2 തിമോത്തേയോസ് 4:7,8)
- ധനമോഹത്തിലുടെ പലരും വിശ്വാസത്തില്നിന്നു വ്യതിചലിച്ചു പോകാനും ഒട്ടേറെ വ്യഥകളാല് തങ്ങളെ തന്നെ മുറിപ്പെടുത്താനും ഇടയുണ്ട്. (1 തിമോത്തേയോസ് 6:9)
- നിങ്ങള് സമചിത്തതയോടെ ഉണര്ന്നിരിക്കുവിന്. നിങ്ങളുടെ ശത്രുവായ പിശാച് അലറുന്ന സിംഹത്തെപ്പോലെ, ആരെ വിഴുങ്ങണമെന്ന് അന്വേഷിച്ചു കൊണ്ടു ചുറ്റിനടക്കുന്നു. വിശ്വാസത്തില് ഉറച്ചു നിന്നുകൊണ്ട് അവനെ എതിര്ക്കുവിന്. (1 പത്രോസ് 5:8)
- ദുഷ്ടന്റെ ജ്വലിക്കുന്ന കൂരമ്പുകളെ കെടുത്തുന്നതിന് നിങ്ങളെ ശക്തരാക്കുന്ന വിശ്വാസത്തിന്റെ പരിച എടുക്കുവിന്. രക്ഷയുടെ പടത്തൊപ്പി അണിയുകയുംദൈവവചനമാകുന്ന ആത്മാവിന്റെ വാള് എടുക്കുകയും ചെയ്യുവിന്. (എഫേസോസ് 6:16-17)
- വാക്കുകളിലും പെരുമാറ്റത്തിലും സ്നേഹത്തിലും വിശ്വാസത്തിലും വിശുദ്ധിയിലും നീ വിശ്വാസികള്ക്കു മാതൃകയായിരിക്കുക. (1 തിമോത്തേയോസ് 4:12)
കര്ത്താവായ യേശുവില് വിശ്വസിക്കുക
- അവനില് വിശ്വസിക്കുന്ന ഏവനും നശിച്ചുപോകാതെ നിത്യജീവന് പ്രാപിക്കുന്നതിനുവേണ്ടി, തന്റെ ഏകജാതനെ നല്കാന് തക്കവിധം ദൈവം ലോകത്തെ അത്രമാത്രം സ്നേഹിച്ചു. … അവനില് വിശ്വസിക്കുന്ന ഒരുവനും ശിക്ഷയ്ക്കു വിധിക്കപ്പെടുന്നില്ല. (യോഹന്നാന് 3:16-18)
- അവനില് വിശ്വസിക്കുന്ന എല്ലാവരും അവന്റെ നാമംവഴി പാപമോചനം നേടുമെന്നു പ്രവാചകന്മാര് അവനെക്കുറിച്ചു സാക്ഷ്യപ്പെടുത്തുന്നു. (അപ്പ. പ്രവര്ത്തനങ്ങള് 10:43)
- കര്ത്താവായ യേശുവില് വിശ്വസിക്കുക; നീയും നിന്റെ കുടുംബവും രക്ഷപ്രാപിക്കും. (അപ്പ. പ്രവര്ത്തനങ്ങള് 16:31)
- അവനില് വിശ്വസിക്കുന്നവര്ക്കു ലജ്ജിക്കേണ്ടിവരുകയില്ല എന്ന് എഴുതപ്പെട്ടിരിക്കുന്നു. (റോമാ 9:33)
- തന്നെ സ്വീകരിച്ചവര്ക്കെല്ലാം, തന്റെ നാമത്തില് വിശ്വസിക്കുന്നവര്ക്കെല്ലാം, ദൈവമക്കളാകാന് അവന് കഴിവു നല്കി. (യോഹന്നാന് 1:12)
- പുത്രനില് വിശ്വസിക്കുന്നവനു നിത്യജീവന് ലഭിക്കുന്നു. എന്നാല്, പുത്രനെ അനുസരിക്കാത്തവന് ജീവന് ദര്ശിക്കുകയില്ല. ദൈവകോപം അവന്റെ മേല് ഉണ്ട്. (യോഹന്നാന് 3:36)
- എന്നില് വിശ്വസിക്കുന്നവന് എന്നിലല്ല, എന്നെ അയച്ചവനിലാണു വിശ്വസിക്കുന്നത്. എന്നെ കാണുന്നവന് എന്നെ അയച്ചവനെ കാണുന്നു. എന്നില് വിശ്വസിക്കുന്നവരാരും അന്ധകാരത്തില് വസിക്കാതിരിക്കേണ്ടതിന് ഞാന് വെളിച്ചമായി ലോകത്തിലേക്കു വന്നിരിക്കുന്നു. (യോഹന്നാന് 12:46)
- യേശു അവരോടു പറഞ്ഞു: ഞാനാണ് ജീവന്റെ അപ്പം. എന്റെ അടുത്തു വരുന്നവന് ഒരിക്കലും വിശക്കുകയില്ല. എന്നില് വിശ്വസിക്കുന്നവന് ദാഹിക്കുകയുമില്ല. (യോഹന്നാന് 6:35)
- അവിശ്വാസിയാകാതെ വിശ്വാസിയായിരിക്കുക. തോമസ് പറഞ്ഞു: എന്റെ കര്ത്താവേ, എന്റെ ദൈവമേ. യേശു അവനോടു പറഞ്ഞു: നീ എന്നെ കണ്ടതുകൊണ്ടു വിശ്വസിച്ചു; കാണാതെ തന്നെ വിശ്വസിക്കുന്നവര് ഭാഗ്യവാന്മാര്. (യോഹന്നാന് 20:27-29)
- നാം ഇനി പാപത്തിന് അടിമപ്പെടാതിരിക്കത്തക്കവിധം പാപപൂര്ണമായ ശരീരത്തെനശിപ്പിക്കാന്വേണ്ടി നമ്മിലെ പഴയ മനുഷ്യന് അവനോടുകൂടെ ക്രൂശിക്കപ്പെട്ടിരിക്കുന്നുവെന്നു നമുക്കറിയാമല്ലോ. എന്തെന്നാല്, മരിച്ചവന് പാപത്തില്നിന്നു മോചിതനായിരിക്കുന്നു. നാം ക്രിസ്തുവിനോടുകൂടെ മരിച്ചുവെങ്കില് അവനോടുകൂടി ജീവിക്കും എന്നു നാം വിശ്വസിക്കുന്നു. (റോമാ 6:8)
ദൈവത്തെ അനുഭവിച്ചറിയാൻ എന്തുചെയ്യണം.. A Talk by Rev.Fr.Dominic Valamanal (video)
Word for Meditations 